曹星如以前叫「爆胎如」？

香港拳壇驕子「神奇小子」曹星如（Rex），每次睇佢搏到盡打比賽，都睇到起曬雞皮，好佩服佢嘅毅力。中大fb（www.facebook.com/CUHKofficial/）噚日就上載咗佢嘅短片，分享佢另一個花名「爆胎如」嘅由來，希望話畀莘莘學子知，「開心唔開心，其實都可以Share」。

片中Rex話，以前細個對讀書唔感興趣，直到入拳館做助教，都仲係好懶散，訓練時都會偷走，到真正上場比賽，第一回合仲好有技術，到第二回合就已經缺乏體能捱唔住，好似「爆胎」咁無晒氣，因而有「爆胎如」嘅花名。

要由「爆胎如」成為「神奇小子」，Rex直言有諗過放棄，「因為驚，而令自己接受比以前多幾倍嘅訓練，好辛苦，又被打到腫晒，無力反擊。」面對樽頸位，佢話要突破就要問多啲人意見，從另一個角度畀意見自己喎。