【聲明】港生活網站並無進行電話推廣活動

曹星如以前叫「爆胎如」?

發佈時間: 2017/04/24

香港拳壇驕子「神奇小子」曹星如(Rex),每次睇佢搏到盡打比賽,都睇到起曬雞皮,好佩服佢嘅毅力。中大fb(www.facebook.com/CUHKofficial/)噚日就上載咗佢嘅短片,分享佢另一個花名「爆胎如」嘅由來,希望話畀莘莘學子知,「開心唔開心,其實都可以Share」。

片中Rex話,以前細個對讀書唔感興趣,直到入拳館做助教,都仲係好懶散,訓練時都會偷走,到真正上場比賽,第一回合仲好有技術,到第二回合就已經缺乏體能捱唔住,好似「爆胎」咁無晒氣,因而有「爆胎如」嘅花名。

要由「爆胎如」成為「神奇小子」,Rex直言有諗過放棄,「因為驚,而令自己接受比以前多幾倍嘅訓練,好辛苦,又被打到腫晒,無力反擊。」面對樽頸位,佢話要突破就要問多啲人意見,從另一個角度畀意見自己喎。

撰文: 黛安 消息特靈八卦公關
欄名: 八卦名利場