林敏驄開騷為歌單傷腦筋

林敏驄昨日接受電台訪問，為6月9及10日假紅館舉行兩場演唱會宣傳，他笑言︰「未正式開賣已經隊冧咗個server，之前全部都係我嘅粉絲買，依家就輪到大眾。」

談到與觀眾互動環節，阿驄說︰「都係一句起兩句止，因為我哋嘅歌太多，希望可以將七成鍾意嘅歌都擺到落去rundown上。」他還透露會親自剪接部分歌曲的medley，幾經努力才縮到三小時的節目。問他可擔心超時罰錢？他笑言這方面會交給老闆負責。