【聲明】港生活網站並無進行電話推廣活動

馬時亨任教大主席 寄語學生有heart追夢

發佈時間: 2017/04/26

黛安記得細個嘅時候,班主任係我嘅好榜樣,所以寫我的志願時,就是做一名老師。而噚日第一日接任教育大學校董會主席嘅馬時亨,都係因為佢嘅啟蒙老師,不斷鼓勵和提攜,先有今日嘅成就。

馬時亨噚日發email畀一眾師生同校友,講述佢出身草根階層,細個讀非主流中學,成日流連街頭,成績仲科科滿江紅。但好彩有老師對佢不離不棄,成就咗今日嘅佢。所以佢話,「每位學生都是一塊未經雕琢的美玉,老師便是這位雕刻師」。

佢仲寄語,同學做任何事都要「有heart」和要有夢想。佢話雖然依家科技發達,老師嘅角色漸漸被取代,但做老師嘅價值所在,就係品格教育。另外,夢想可以大,可以細,只要不斷追求突破,先會不斷進步,面對全球一體化,一定要有廣闊視野,唔係就好易被淘汰。

撰文: 黛安 消息特靈八卦公關
欄名: 八卦名利場