自嘲票房毒藥 祖兒現身撑彭秀慧新片

彭秀慧執導的電影《29+1》前晚舉行慈善首映禮，除了演員周秀娜、鄭欣宜、蔡瀚億（BabyJohn）等外，容祖兒以神秘嘉賓身份驚喜現身，原來她特別前來撑好友彭秀慧場。自認票房毒藥的祖兒笑指，彭秀慧邀請自己很大膽。

容祖兒自爆與彭秀慧結緣，是因為對方為她上月舉行的《My Secret Live》演唱會擔任導演，經過一個月相處而成為好友，她大讚導演做任何事都很用心及仔細，「雖然舞台地方細，但感覺好Warm，好似一家人咁，所以今日導演大日子，佢嘅BB（新片）出世，一定要捧場。」

祖兒自爆早在2011年已看過《29+1》舞台劇版，覺得令同齡女生很有共鳴。被問到踏入30歲時有何感覺？她笑謂︰「過咗好耐，唔記得喇。30歲對女仔好重要，身體、工作、家庭同朋友都有好大改變。」

娜姐生日未有着落

本月22日牛一的周秀娜，被問到生日願望是否找男朋友？她笑說︰「唔係第一時間諗要男友，反而想放假去旅行，咁倉卒邊度搵到男友。」正在拍劇集《宮心計2深宮計》的她稱，還未知生日是否要開工，稍後要到橫店拍外景。

提到歐陽震華日前拍劇中暑，娜姐也身同感受說︰「有一日我同劉心悠拍耍劍戲，拍一陣已經背脊濕晒，遲啲去橫店拍外景成40幾度，我諗住買部流動冷氣機、風扇、同埋會帶定冰貼。」

採訪︰Pauline

編輯︰林梓添

設計︰梁政敏