陳柏宇 搞婚禮無分歧

陳柏宇（Jason）早前與未婚妻符曉薇去了英國影婚紗相，雙方家人亦有同行，並順道在當地提早慶祝母親節。談到英國之行，Jason形容對這輯婚紗相當滿意，但期間發生了小插曲，還被未婚妻鬧他不夠斯文，Jason無奈指她手指拗出唔拗入！

陳柏宇昨日以社區運動大使身份出席活動，適逢媽媽不在港，加上之前他和未婚妻及家人去了英國影婚紗相，所以就提早慶祝。

提到赴英國影婚紗相，Jason表示過程十分開心，第一日都是正正經經影靚相，第二日先影得搞笑及活潑一點，兩輯相各有特色。

問到拍攝期間可有發生爭執？他想一想就說︰「試過有一日我哋一行十人入咗間朱古力店買嘢，但間舖好細，畀錢時突然身後有個外籍女人好大力推咗我一下，我即刻轉頭問佢做咩推我，點知佢（未婚妻）話我唔斯文。每次遇到呢啲事，佢反而嬲我同其他人嗌交，佢真係手指拗出唔拗入，一次都無幫過我！」

環保為由唔派喜帖

問他婚禮籌備進度如何？Jason說發覺愈搞愈多就會愈花錢，他笑言︰「唔搞咁多可以慳啲。」另外，他說熟朋友可以口頭通知，不用派帖比較環保，那他們在籌備婚禮過程可有意見分歧？Jason打趣謂︰「意見分歧即係我嗰啲係錯咁解，唔會用我嗰啲，用佢嗰啲就解決晒。」

撰文︰Pauline

編輯︰林梓添

設計︰Alex