陳禮恒
陳禮恒

慘過洪永城的《夢斷城西》

發佈時間: 2017/05/19

洪永城和唐詩詠兩年半情斷,本應感情事從來無人敢寫包單,和平分手又何用介懷?報道卻成為連日來全城熱話,問題在於兩人始終未夠灑脫,每次出來「講啲唔講啲」,讓事情繼續發酵,讓傳媒繼續搵料。直至爆出真真假假的分手原因,逼婚失敗?疑似新歡?等到要解釋時亦已特別費力,認真慘慘豬。

一對電視城藝人茶杯裏的感情風波,細節很快便會淡忘。而真正的愛情杯具(悲劇),才會經得起時間考驗。像經典百老匯式愛情故事《夢斷城西》,電影版由妮坦梨活主演(唔止唐詩詠叫Natalie),1962年囊括奧斯卡十項大獎,包括最佳影片及導演等,風頭更勝今年的歌舞片《星聲夢裡人》。

舞台劇《夢斷城西》近日登陸香港演藝學院,反應不俗,加場至6月18日演足一個月。故事講50年代紐約新移民區的兩個青年幫派勢成水火,The Jets的Tony卻愛上死對頭The Sharks領袖的妹妹Maria,從帥哥到冧歌,比舞到比武,一班演員歌精舞勁,多首金曲如《Tonight》更是百聽不厭,可惜愛情從來是甜也是苦。

撰文: 陳禮恒 在戲院選擇沉默,然後用文字發聲。
欄名: 晴感戲