DIY禮物 免費泊車 商場提早慶父親節

母親節過咗無幾耐，眨下眼6月就快到了！各位孝敬完母親大人，咪唔記得都要親親爹哋呀！下個月第3個禮拜日就係父親節，大家諗到咩節目同爸爸慶祝未呢？以下兩大商場舉辦嘅活動同推廣，相信可以氹得各位父親大人開心，立即行動啦！

黛安知道唔少男士們都愛「嗒」番一、兩杯，近年興起嘅手工啤酒就有唔少人like。沙田新城市廣場就趁父親節將至，就特別呈獻「Cheers with DAD！啤酒工房」。喺即日至6月18日期間，商場三期一樓天幕長廊將打造成開放式精釀酒吧，深入介紹重點釀酒材料及其功用，並即場示範手工啤酒的釀製步驟，參加者更可親身向導師「取經」，齊齊做手工啤達人。

釀啤酒 自製招紙貼酒樽

父親節人要到，禮當然唔少得。想給爸爸獨一無二嘅禮品，可憑指定消費參與個人化「手工啤酒」製作專區，即場拍攝或上載照片，製成具個人風格嘅啤酒招紙，並按照爸爸的口味為他挑選啤酒，並在樽上印爸爸的笑臉及你的心聲。

除咗歎啤酒，同爸爸去商場入戲院睇戲食好嘢，亦係理想嘅選擇。為慶祝這個親情滿溢嘅日子，鑽石山荷里活廣場就特別推出，即日起至6月30日只需出示親子合照，即享3小時免費泊車優惠，加上消費可換領現金券、去睇戲食飯購物又可享連環優惠，一定開心又滿足。