袁文傑無意做講波佬

近期轉投無綫、在《不懂撒嬌的女人》飾演游生的袁文傑，劇集帶挈人氣急升，前晚他偕女友張潔蓮（Jackeline）拖手出席電影《神奇女俠》首映禮，問他是否好事近？袁文傑笑言︰「儲緊（錢）喇，仲未落實，但張文慈同陳啟泰都打畀我，話記得早啲通知，佢哋話要做婚禮司儀。」

日前，袁文傑以嘉賓身份講英格蘭足總杯決賽阿仙奴大戰車路士的賽事，獲不少球迷讚他有深度，對此他表示多謝，但就無意做足球評述員。他解釋︰「只係同球迷一齊睇波，場波本身都有話題性，自己有少少研究，做嘉賓就冇所謂。」