【聲明】港生活網站並無進行電話推廣活動

中電新總裁蔣東強 履新落區做接綫生

發佈時間: 2017/06/02

以為讀工程成日對住機器同文件,份人一定好悶?No,No,No!工程師出身嘅蔣東強(TK),噚日正式接任中華電力總裁一職,第一日返工就去探同事,仲做埋接綫生!

中電喺香港有成250萬個用戶,TK噚日就專程去客戶服務熱綫中心,同前綫同事見面,除咗即場幫手接聽客戶電話外,仲請同事教佢同客戶溝通嘅秘訣,大家有講有笑,一啲都無上司嘅架子。

話時話,電力故障應該要點修理?中電公關姐妹話,其實好考緊急服務組嘅應變力、耐力和體力,如去偏遠地區維修,仲要行1至2小時山路,一啲都唔容易應付。TK噚日都有去服務組探班,佢話就到颱風季節,同事將會好忙,一定要同佢哋打氣。

撰文: 黛安 消息特靈八卦公關
欄名: 八卦名利場