鄭秀文包場請睇4K騷

鄭秀文（Sammi）重組歌迷會「三米飯團」，其連環聚會前晚在港舉行，Sammi包場請Fans欣賞亞洲首個用4K技術攝製演唱會《Sammi Touch Mi 2》，吸引逾300位Fans捧場，非常熱鬧。

前晚Sammi約九時抵達戲院，已引來全場興奮尖叫。之後，她還大送戒指、頸鏈及耳環等禮物給現場幸運Fans，當她送出一雙簽名波鞋時，被抽中的女Fans更開心到喊。離場前，Sammi又向Fans許諾︰「入咗歌迷會，以後買演唱會飛唔會咁辛苦，一定會留番啲靚位畀自己嘅歌迷！」Sammi受訪時說︰「返到香港站，我想特別啲。呢個演唱會帶畀我同歌迷好多回憶、好多感動。」

八月開生日會

對於重組歌迷會，Sammi說︰「好多年前我曾經有過歌迷會，後來解散咗。近年聽到太多歌迷嘅訴求，例如買演唱會飛或者出席公開活動，出現咗好多不公平對待，我覺得一定要正視呢個問題。」她表示沒有想過歌迷會如此踴躍，更透露下個活動將會是她八月的生日會，但一切還在籌備中，稍後會公布詳情。

撰文︰Pauline

編輯︰林梓添

設計︰梁政敏