【唔玩磨刀玩樂器】 霆鋒反轉港九快閃Jam歌

繼張敬軒早前在尖沙咀碼頭，跟街頭表演者玩Busking（街頭音樂）推廣「音樂大童」，引起極大回響後，今次輪到久未在港出席公開活動的霆鋒，昨日中午突然在其《鋒味》Facebook拍片預告會現身銅鑼灣玩快閃。當時正乘坐保母車前往目的的他表示︰「佢哋（公司）噚晚話喺時代廣場有嘢搞，咁我問公司啲人，好似話想Jam嘢喎，Jam咪Jam囉，怕你呀！咁但係（個活動）一點，依家已經係12點47分喇，呢度好塞車，所以我哋未必趕到落去。」

姍姍來遲的霆鋒抵達銅鑼灣時，五名師弟妹泳兒、洪卓立、鍾舒漫、羅力威及許靖韻等已合唱完霆鋒的《壞習慣》，這時霆鋒突然在遠處高呼︰「搞緊咩呀你哋？」眾人看見霆鋒都驚喜萬分，現場尖叫聲不絕。

私家樂器贈興

霆鋒坦言是被他們的熱誠感動到，覺得應該給予積極回應以作鼓勵，所以再忙都抽空現身撑場，並且帶來私家樂器即場與眾人Jam歌，雖然只是短短五分鐘，但中途加入猛將大師兄霆鋒，迅即將現場氣氛推至高峰。

玩過翻尋味的霆鋒，昨晚七時再次夥師弟妹突襲尖沙咀海運大廈，繼續吸引大批途人圍觀，場面墟冚。今次霆鋒一日內連玩兩次快閃活動，有不少粉絲表示驚喜，並留言︰「唔攞廚刀玩樂器都係咁Chok」、「下次表演邊磨刀邊彈結他」。

撰文︰Pat

攝影（部分）︰林良明