陳柏宇搞婚禮 一切要慳

陳柏宇（Jason）將於7月2日迎娶女友符曉薇，婚禮已籌備得七七八八，他苦笑謂未正式行禮已花掉六位數字，打算度蜜月要慳慳地平遊夏威夷。

陳柏宇昨日以嘉賓身份出席《香港國際飛鏢節》，下個月拉埋天窗的他，早前與未婚妻在英國影結婚相，並於社交網站不停放閃。Jason透露在婚前仍搏命搵錢，「7月1日先正式休息，結婚後會即刻去度蜜月。」

不過，這位準新郎表示仍有一些瑣碎事未搞掂，就連蜜月地點都未定。他笑謂︰「想去夏威夷，但係時間長，想舒服啲坐商務艙，但係要三萬幾蚊，如果坐經濟艙就五千幾都得。（你等一元機票？）哈哈！慳到就慳啦！」

婚禮依足傳統

人生大事都要慳？Jason笑言︰「已經花咗六位數啦！（唔係好多啫！）你估我發咗咩！如果生仔又要錢，搵人湊又使錢，租屋又要，原來好多錢要使。」問到準新郎、新娘可會為瑣碎事有爭執？Jason說有時她有意見，自己覺得無所謂的都會接受，不過未婚妻想跟傳統習俗，斟茶、接新娘都會做足，但又想免除上頭儀式，令他哭笑不得。

採訪︰Pauline

編輯：陳禮恒

設計：梁政敏