黛安
黛安

變形金剛突襲屯門市廣場!

發佈時間: 2017/06/07

變形金剛突襲屯門市廣場!

注意!變形金剛出動!無錯,今個暑假變形金剛將突襲屯門市廣場,大人、小朋友都要密切留意!黛安同信和集團租務部總經理陳欽玲傾開,知道即將喺今個月上映嘅超級鉅獻《變形金剛︰終極戰士》,戲中主角會到商場短暫停留,仲搞咗排山倒海咁多嘅宣傳活動,相信定會非常旺場。

頭炮活動喺下星期一(12/6)起一連7日,2.5米高嘅大黃蜂裝置同柯柏文貨車將喺各區出動,率先同粉絲見面,緊接就係今個月22號至8月30號,商場會打造「柯柏文決戰大黃蜂」嘅巨型立體裝置!瘋狂嘅節目又點少得期間限定店,全港獨家發售多款地方限定精品,同場亦有玩樂體驗,大玩風靡全球嘅電競元素,免費試玩變形金剛Xbox遊戲,參與「變形金剛電競大激鬥」,最終王者可獲得全球限量珍藏版變形金剛模型,一眾狂迷絕對不能錯過!

上水辦購物感謝祭

去完屯門睇變形金剛,可再去上水消費喇。上水廣場喺今個月17至25號舉行「購物感謝祭」,多個美粧品牌貨品低至6折,消費滿指定金額仲可換領超過5,000蚊嘅鑽飾同美粧禮品,勢必掀起消費狂熱!

撰文: 黛安 消息特靈八卦公關
欄名: 八卦名利場