黛安
黛安

長實慶回歸 半價住內地5酒店

發佈時間: 2017/06/07

長實慶回歸 半價住內地5酒店

各位姊妹有無諗過返大陸都有總統級享受?黛安聽講,長實為咗慶祝特區成立20周年,由7月1號回歸紀念日開始到年底,持有回鄉證嘅港人入住長實位於內地嘅5間酒店,可以享受半價入住優惠,而且優惠不限於標準客房,連套房甚至總統套房都有半價,最啱新婚蜜月、周年紀念之類嘅慶祝活動。

5間酒店包括北京東方君悅大酒店、北京喜來登長城飯店、重慶海逸酒店、成都天府麗都喜來登飯店及瀋陽麗都索菲特酒店,只要plan好行程仲可以用盡優惠,例如成都同重慶距離相近,可以坐高鐵直達,如果入住成都天府麗都喜來登飯店,享受半價房費後,仲可以去埋重慶,以半價入住重慶海逸酒店,一次過享受雙重優惠。

撰文: 黛安 消息特靈八卦公關
欄名: 八卦名利場