【聲明】港生活網站並無進行電話推廣活動

用里數做善事 支持貧童讀書

發佈時間: 2017/06/07

常言道「知識改變命運」,不過世界上一些貧困嘅地區,就仲有好多小朋友唔單止學習環境唔理想,甚至可能連書都無機會讀;黛安諗起都好心噏,如果有能力,真係好應該幫助下呢班細路仔。公關姊妹就同黛安講,Asia Miles(亞洲萬里通)早前同Montblanc及聯合國兒童基金會,共同舉辦咗一個會員專屬嘅「書寫之禮」工作坊,邀請小朋友分享對書寫嘅熱情;而活動背後仲有更深遠嘅意義,最終目的係透過兩者合作,提供優質學習資源和更高質素嘅教育,改善世界500多萬名兒童嘅學習環境。

而Asia Miles鼓勵會員利用1,100里數,兌換聯合國兒童基金兒童學習套裝禮物包(詳見:https://goo.gl/iVs6Xr),當中已包括兒童教育嘅基本工具,為貧困兒童帶來學習嘅機會。大家不妨運用手上嘅里數,為佢哋出一分力啦!

撰文: 黛安 消息特靈八卦公關
欄名: 八卦名利場