【聲明】港生活網站並無進行電話推廣活動

「美麗魔法師」海港城開live 破2800萬收看

發佈時間: 2017/06/09

海港城裏面有300幾個化粧品牌,可算係「美粧重地」,早幾日黛安去入貨,竟然見到有「美麗魔法師」之稱、曾擔任大S、小S、徐若瑄等藝人專屬造型師嘅小P老師!原來當日小P老師係做緊「小P老師帶你玩轉香港海港城」新浪微博直播,介紹幾款他特別推薦嘅產品品牌,更喺直播期間現場試用,同粉絲互動交流,仲有問答抽獎,吸引咗2,820萬次收看,打破咗新浪微博喺香港進行直播嘅最高觀看人次,同埋小P老師嘅個人直播紀錄。

除咗直播,當日小P老師仲同過百間美容、時尚品牌嘅代表及傳媒分享,介紹佢早兩個月先面世嘅新書《無可P美》。黛安都拜託朋友買咗本書嚟睇,書中有小P老師嘅勵志奮鬥故事同做人哲學,仲有唔少藝人嘅趣事,相當精采,難怪推出1個月銷量已突破5萬本啦!

撰文: 黛安 消息特靈八卦公關
欄名: 八卦名利場