【聲明】港生活網站並無進行電話推廣活動

迪士尼推逾千新商品 Ufufy公仔受歡迎

發佈時間: 2017/06/09

一年容易又暑假,唔少朋友都準備緊暑假家庭節目,如果大家今個夏天諗住去迪士尼就要留意喇!因黛安收到風,樂園將會推出過千款新商品同新活動迎接暑假,當中包括唔少女性朋友去日本樂園必買嘅Ufufy同芭蕾兔StellaLou系列,係日本以外第一個樂園有得賣!

除咗上述兩個喺日本注目度極高嘅新系列之外,亦會推出新電影《反斗車王3》同Marvel系列嘅相關產品。另外,樂園仲打算搞搞新意思,推出「個人化系列」,畀客人自己設計「My Disney Tee」,T恤可以即日起貨,想整情侶、閨蜜定係家庭裝都無問題。

活動方面,7月底至8月頭就會舉行「Pin Trading Fun Night」和「Pin Hunting 2017」,會有多款限量版襟章畀各位fans買嚟收藏。上年非常受歡迎嘅「Tsum Tsum Fun Fair」亦會喺9月強勢回歸,今次仲有新食物造型𠻹,不過係限時購買㗎,各位fans要密切留意喇!

撰文: 黛安 消息特靈八卦公關
欄名: 八卦名利場