【聲明】港生活網站並無進行電話推廣活動

變形金剛風球下出巡 一連7日遊走香港

發佈時間: 2017/06/13

變形金剛喺全球大受歡迎,累積咗唔少忠實粉絲,黛安雖然係女仔,但一樣好鍾意睇變形金剛!所以得知今個暑假,屯門市廣場會同荷里活重頭巨片《變形金剛︰終極戰士》合作,聯手打造「變形金剛終極現身屯門市廣場」,真係好開心!

商場仲派出2米半高嘅大黃蜂裝置同逾6米長嘅柯柏文貨車,噚日起至本月18號一連7日,巡遊香港各區同我哋一班粉絲會面,時間同地點日日唔同(詳見屯門市廣場fb),務求可近距離接觸到各區粉絲。

錯過咗出巡嘅朋友亦唔使失望,因為屯門市廣場會喺今個月22號至8月30號,將最新電影元素一一帶到場內,包括打造話題情節「柯柏文決戰大黃蜂的巨型立體裝置」,而電影新角色小鬼(Sqweeks)更會首次喺香港登場,真係超得意、超萌!粉絲千祈咪錯過!

撰文: 黛安 消息特靈八卦公關
欄名: 八卦名利場