被指跟鄧智偉陷冷戰 高海寧︰我使逼婚？

高海寧和音樂人鄧智偉的感情關係近年逐漸浮面，有指高Ling在鄧智偉去年的生日派對中，儼如女主人般招呼賓客，加上好友們都慫恿男方娶高Ling，可惜男方並無任何表示，令到無面的高Ling搬返娘家暫住。

高海寧昨日到旺角出席手袋品牌Paprika明星店長活動，對於有報道指高Ling逼婚不遂，目前跟緋聞男友鄧智偉冷戰中，對此她回應︰「我使逼婚？唔係呀嘛！呢單嘢真係得啖笑。」早前她在IG似乎透露心情不快？她就解釋︰「我都有出過下書嘅，都鍾意寫啲mood嘢，寫都係襯番張相啫。」

高Ling最近積極減肥，即將為代言的纖體公司拍新一輯照片，她表示跟纖體公司已合作第五年，問她距離目標身形還有幾多磅？她笑言希望多減五至八磅。不怕上圍縮水？她笑謂︰「最緊要身形均勻，我想firm啲，所以會多做運動。（唔想再做咪神？）人一定要有成長過程，希望擺脫呢個名，遲啲想大家叫我好演員、好弗嘅女仔。」刻下忙於拍攝網劇《飛虎極戰》，她渴望稍後拍開槍戲，覺得好有型。

採訪︰Pauline

編輯：黃寶恩

設計：K