呂方呻6次申紅館失敗

呂方、黎瑞恩及王馨平前晚錄影音樂節目《流行經典50年》，呂方近年忙於內地登台搵真銀，他透露有意明年在紅館開騷，但埋怨檔期好難爭。

呂方表示想學譚詠麟夥拍其他人開騷，最希望邀請同年代的歌手如甄妮、徐小鳳或黃凱芹拍住合作，但先決條件是取得紅館檔期。他笑說︰「聽講有人申請咗八次都唔批，我都申請咗六次，都唔知咩準則。之前打算舉行入行30周年演唱會，申請到過咗30周年都未批。」

同場的王馨平與湯寶如合唱卡通片《美少女戰士》主題曲，她坦言如果可以搵埋周慧敏一齊唱就最好。另外，王馨平又自爆監製要求她唱《我和殭屍有個約會》主題曲《夢裡是誰》，她說︰「呢首歌係亞視嘅，證明TVB肯聽網民意見。」

撰文︰Pauline

編輯：陳禮恒

設計：K