曼聯普巴童心未泯 遊港迪士尼激擁米妮

曼聯天價球星保羅普巴近日嚟咗香港！噚日仲趁離開之前，主動話要去香港迪士尼樂園玩番轉，估唔到佢係球場英姿颯颯，落場之後咁童心未泯，就算仲落住雨，都玩得好興奮，仲好鬼馬咁同米奇米妮共舞𠻹！

呢個大男孩噚日同朋友和保鑣一行人，心情好興奮咁去到香港迪士尼玩，實行盡興而歸！聽公關姐妹講，普巴比較鍾情刺激感嘅機動遊戲，玩咗沖天遙控車同星戰極速穿梭，仲去咗夏日特備節目《Marvel危機次元任務》，睇嚟佢都係Marvel嘅粉絲喔，佢仲同美國隊長一齊擺pose影相留念𠻹，睇嚟佢仲高大過美國隊長呀。之後佢又見同米奇、米妮，跳咗part舞。相信佢都好滿意今次嘅行程，希望下次再嚟香港玩！