MTR x nanoblock紀念車票 下月$130起發售

唔少都市人都係「儲物控」，紀念車票是其中鐵路迷摯愛。黛安知道港鐵下個月推出新嘅紀念車票套裝，以微型積木nanoblock做主題，無論車票設計同列車積木套裝都好得意！車票套裝下月2號起一連4星期出售，先後推出「機場快綫篇」、「東鐵綫篇」、「港島綫篇」同「輕鐵篇」，每套都包括紀念車票、精美票套及盒裝nanoblock各一，每套$150；另外7月2日起仲會有「南港島綫」特別版賣，每套$130。每盒nanoblock都有最少170塊微型積木同一塊透明底板，可砌出列車場景，真係好kawaii呢！