黛安
黛安

易賞錢出新App 可向朋友「求分」換禮品

發佈時間: 2017/06/28

易賞錢出新App 可向朋友「求分」換禮品

仲用緊實體卡?「易賞錢」出咗新App喇!平時去開百佳、屈臣氏、豐澤買嘢儲分要分開幾張卡,依家可以三合一之餘,仲多咗嘢玩呀!黛安噚日出席易賞錢10周年慶祝活動,同屈臣氏集團首席營運總監倪文玲(Malina)傾開,原來易賞錢喺香港有360萬名會員,已送出相等於8億港幣嘅積分,大家仲好踴躍支持,接近9成積分已兌換咗禮物喇。

Malina話公司花咗3個月時間研發新App,會員將現有積分轉移入去後,除咗可直接將積分對應金額後,捐贈畀6間慈善機構外,「仲可以同朋友『求分』,唔係求婚,而係請求積分!」例如差100分先可換現金券,就可問同樣裝咗新App嘅朋友送分畀自己,「朋友有權say no㗎」,同時朋友又可以大玩開心share主動送分,大家就更容易集中儲分換禮物啦。

入會賞現金券或折扣

仲未做會員?唔緊要,Malina送個貼士畀大家,即日起至下月26號download新App登記入會,即獲百佳、屈臣氏、豐澤同多間旅遊、餐飲商戶嘅現金券或折扣,而平時就可去600幾間集團旗下商舖購物儲分,方便得嚟又有得玩,快啲下載啦!

撰文: 黛安 消息特靈八卦公關
欄名: 八卦名利場