【聲明】港生活網站並無進行電話推廣活動

論政

發佈時間: 2017/07/03

周末去salon洗頭剪髮與髮型師吹水,是一大樂趣,閒談之間可以知道最新潮流、八卦新聞,無所不談。

或許因為回歸20周年,連不太留意政治的髮型師也開始談起政治來。無計,報紙鋪天蓋地都是回顧20年的報道,揭開八卦雜誌也是政治消息,所謂「不會吟詩也會偷」,看得多,自然偉論滔滔了!

「估唔到大家最懷念的竟是董伯伯!」髮型師說最近有民意調查問市民對三任特首的評分,結果董建華評分最高。

「當年好多人唔明董生做緊好事。」髮型師繼續分析:「而家買唔起樓就係因為當年無起多啲樓!唉!八萬五生不逢時!」

坐在旁邊做會計的同行朋友答嘴:「直情係啦!當年如果立咗23條,中央可能無咁驚你哋,畀香港更多自主,點會搞到而家咁………仲有問責制呀,主要官員要為政策負責,點都好過畀啲鐵飯碗公務員玩晒!我話問責制係德政!」

想不到政治冷感的朋友也論政!

(本欄逢周一刊登)

撰文: 沈桃 好飲好食好奇之穿花蝴蝶
欄名: 中環蝴蝶