【聲明】港生活網站並無進行電話推廣活動

《晴報》夏日沙灘巾 7-Eleven加$39有得換

發佈時間: 2017/07/04

《晴報》6周年,驚喜真係浪接浪!繼早前送任天堂Switch遊戲機同美心MX$25美食券之後,黛安又打聽到,原來今次《晴報》會同P助、粉紅兔兔合作,推出兩款限定版沙灘毛巾畀讀者換購呀!

棉質物料夠柔軟

7月天氣又熱又曬,要享受綠色生活,梗係唔少得放假同班friend去沙灘游水、曬太陽啦!泳衣有!防曬液有!太陽眼鏡有!又點可以漏咗條靚靚毛巾呀?今次推出嘅兩款毛巾,有白色同粉紅色兩種選擇,採用棉質物料,觸感柔軟舒服,今個夏天帶住佢去邊都得啦!

黛安仲八卦到,昨日《晴報》編採部同事都收到新印製嘅毛巾,據悉反應大受歡迎,啲毛巾搬出來幾分鐘已經無晒,尤以白色圖案嘅一款最多人like,大家仲即時將毛巾拆出來影相,向家人同朋友仔show off,仲大讚質地唔錯𠻹!

如果你都想將呢條咁靚嘅毛巾帶返屋企,由今日起至7月14日,去指定7-Eleven出示《晴報》App(文字版)、網頁版電子印花,或者剪低印刷版印花,就可以加$39換購,詳情可以登上《晴報》網站(www.skypost.hk/mkt/towel/)查閱。數量有限,快啲行動帶走精靈活潑嘅P助、粉紅兔兔陪你過炎夏啦!

撰文: 黛安 消息特靈八卦公關
欄名: 八卦名利場