展鵬鬼馬澄清 單文柔無身孕

陳展鵬和單文柔在年初被撞破同車遊山頂兼撑枱腳後，二人的「戀情」曝光。其後二人曾同場，但男方卻選擇逃避不合照；直到昨日這對緋聞男女再度同場，終大方合照，並一齊接受訪問，關係明顯有進展。

陳展鵬、黃智雯、田蕊妮及陳庭欣等逾60位藝員昨日出席TVB《Amazing Summer記者會》。展鵬大方與緋聞女友單文柔合照，二人雖否認戀情，但均表示正在互相了解中。被問到單文柔可是心目中理想型？陳展鵬先承認後笑言︰「只要係女仔就得，媽媽最怕唔係女仔。」談到單文柔已經見過陳媽媽，展鵬笑說很多藝人朋友都見過他的媽咪。

被指早前刻意迴避合照，昨日卻一反常態，是否想公開戀情？他笑說︰「唔係，上次係因為趕住出去做嘢。（係咪公開拍拖？）唔係公唔公開咁小兒科，有報道講到話佢已經大肚，今日個肚呢？無咗嘅，唔係去咗醫院做手術嘛？」單文柔尷尬地指因為早前肥了兼身體不適，才被影到似大肚。

唔肯認拍拖

再追問展鵬與單文柔目前是否男女朋友？他說︰「佢之前話了解中，我就話認識中，最近又話佢大肚中，究竟真係大肚定係假大肚先，即係假啦。（係咪結婚先公開？）咁快去到結婚？」展鵬又極力護花，說女方仍是新人，不想她被花邊新聞影響。「地下情、宇宙情都好，都係娛樂新聞一則，畀啲空間大家聯想下。」

另外，劉佩玥（Moon）及JW早前去了佛山拍節目外景時，以密實泳裝出鏡，JW稱始終首次着泳衣玩遊戲，做足安全措施是必要的。問到JW是否男友Tarzan不准她性感，她說︰「我依家比較保守，因為拍時郁動較多，只係打晒底可以放心去玩。」

撰文︰Pauline

編輯：林梓添

設計：招潤洪