【聲明】港生活網站並無進行電話推廣活動

挪亞方舟玩親子競技遊戲

發佈時間: 2017/07/06

小朋友嘅悠長假期即將開始,各位已經做咗媽咪嘅姊妹諗好帶佢哋去邊度玩未呢?黛安聽聞,挪亞方舟今年暑假會舉辦周末活動,推出一連串機械智能遊戲畀小朋友玩,仲會搞親子競技活動,家長同小朋友可以合作競技,提升親子關係,啱晒咁多位爸爸媽媽帶埋活潑好動嘅馬騮仔一齊去玩。

周末特備活動「玩轉機械智激FUN」嘅遊戲,包括有單車驅動微型賽車遊戲、樂高車動物大遷徙、機械智慧尋寶遊戲等,玩樂之餘又可以接觸機械運作,寓學習於娛樂!而「親子智趣競技場」就有划槳滑板車、運氣球、巨型飛鏢等等遊戲,鬥智鬥力,考驗大人小朋友嘅合拍度同團隊精神。

撰文: 黛安 消息特靈八卦公關
欄名: 八卦名利場