【聲明】港生活網站並無進行電話推廣活動

免費睇珠峰電影 聽曾燕紅分享

發佈時間: 2017/07/06

黛安留意到近年愈來愈多人鍾意攀山,甚至去外國挑戰高難度山峰,最近香港都有首名攀上珠穆朗瑪峰嘅女將曾燕紅,相信一班鍾意攀登嘅朋友,一定好想了解多啲關於佢嘅經歷或者心得,咁今個月22日喺香港浸會大學大學會堂(AC Hall)舉辦嘅《珠峰夢敢想人生》慈善電影分享會,就絕對啱晒你哋啦!

到時會有曾老師同攀登計劃人員,同大家分享攀登經驗,仲會有珠峰電影播放。電影由另一位剛攀過珠峰嘅物理治療師吳俊霆過去攀珠峰所拍低嘅片段輯錄而成,片中會話畀大家知佢點樣努力追尋夢想同挑戰人體極限。如果暑假已經有朋友準備去攀山,相信分享會定可幫你做足準備同安排行程。想參加嘅朋友可登上香港移植運動協會Facebook索取表格,以先到先得形式索取免費門票!

撰文: 黛安 消息特靈八卦公關
欄名: 八卦名利場