【聲明】港生活網站並無進行電話推廣活動

屈臣氏專家團 online解答健康疑問

發佈時間: 2017/07/07

你健康嗎?相信不少港人都難以肯定自己百分百健康。黛安早前喺公開活動上,同屈臣氏集團首席營運總監倪文玲(Malina)聚舊時講開,原來唔少港人對自己健康與否都唔夠信心,佢哋之前訪問咗全球11個地方共1萬名顧客,覺得自己健康嘅平均分有82,但港人排名最低,只有61分,同時又問受訪者對健康嘅知識足唔足夠,綜合多個地區後,平均有52分,但香港又係「包尾」,得28分咋。

港人健康評分低

Malina話,數據幫到佢哋更了解港人需要咩服務同產品,所以最近喺屈臣氏網頁加咗好多健康資訊,「如體重管理、兒童健康、中醫等嘅短片同建議產品,又安排咗註冊藥劑師、中醫師、營養師online解答生活問題」,只要一click就睇到咁多新資訊,真係好方便!

佢又透露,早前美國研究一種新產品,可以令2歲老鼠在一周內逆轉至6個月大,等於人類60歲「回春」到20歲,後生40年?係真唔係呀?黛安聽到好興奮,唔知有無機會試到,「依家傾緊新產品可唔可以喺香港出售,希望未來幾個月有好消息。」佢仲話,到時會畀「易賞錢」會員優先購買,相信又會掀起搶購熱潮呀!

撰文: 黛安 消息特靈八卦公關
欄名: 八卦名利場