Sammi賀車婉婉囝囝百日宴

車婉婉在三月底為中澳混血老公Jonathon Quinlan誕下可愛囝囝Justus（BBQ），話咁快BBQ已經出世100日，婉婉日前更為寶貝仔搞百日宴。

車婉婉在2013年底結婚後積極造人，今年三月生了混血囝囝Justus，鬼馬的婉婉更為囝囝改了可愛乳名BBQ。前日婉婉為他搞百日宴，好友鄭伊健、鄭秀文、蘇永康一家、林珊珊、林曉峰和太太康子妮、杜琪峯、孫耀威和太太陳美詩等齊齊到賀，個個爭住同BBQ玩，相當熱鬧。

百日宴在婉婉的中式菜館舉行，事後她在網上分享照片，並留言︰「七月八日是犬兒BBQ的100日，Q MaMa & Q PaPa為BBQ開了一個小小的Tea Party，多謝各位親友到場和我們一起慶祝和拍照留念。有人問，點解個蛋糕係嚿飯？答案係……BBQ仲有個外號─大嚿飯！（同佢嘅重量有直接關係）Baby，這是我們人生最開心的100天！」

而BBQ出世時已屬巨B，重近九磅，三個月大的他已重了一倍！BBQ十分討人喜愛，婉婉讚他睡得好又吃飽飽，心情靚靚與Sammi、徐濠縈幾位靚姨姨玩，又主動跟她們𠵱𠵱呀呀傾偈，相當熱情。

撰文︰Pauline

編輯：黃寶恩

設計：梁政敏