【聲明】港生活網站並無進行電話推廣活動

買獎券 為麥當勞叔叔之家籌款

發佈時間: 2017/07/10

無論你開心定唔開心,屋企永遠係最溫暖嘅避風港。麥當勞叔叔之家慈善基金嘅義賣獎券籌款活動,今年踏入第17年,即日至8月13號,可以喺全港指定麥當勞餐廳和UA戲院買慈善獎券,每張只係$10,就可以畀呢班病童繼續同家人一起戰勝病魔!

基金董事會成員衛紹宗話,經營一個「家」絕非易事,基金一直致力提供一個就近醫院嘅「臨時家園」,只需要4分鐘,就可由醫院行返「屋企」,畀病童同家人一起入住。

去過好多次沙田麥當勞叔叔之家嘅藝人高海寧(高Ling)就話,記得有媽媽為陪伴女兒,要成日留喺醫院,其他家長就會為佢哋煮好晚飯,感覺好warm。至於剛剛升呢做義工領袖、又做咗爸爸嘅藝人黎諾懿,就希望更多人加入義工行列,目標係招募2,000人,一起過有意義嘅暑假。

撰文: 黛安 消息特靈八卦公關
欄名: 八卦名利場