小朋友扮機師 完成親子任務贏$8000

小朋友都鍾意「扮鬼扮馬」，嚟緊喺長實地產旗下嘅商場，就會以「夢想職業大聯萌」做主題，設立「夢想職業」場景，畀小朋友一嘗做機師同教授嘅滋味！

噚日長實就率先喺宇晴滙舉行咗「至萌機師大作戰」。今次一共有20個家庭組隊參賽，一班小朋友以型爆機師造型現身，聯同家長挑戰連串任務！其中戴祺軒小朋友就同家長合作無間，定力、眼力同算術等嘅考驗統統都難佢唔到，最後仲贏得冠軍成為「至萌小機師」𠻹！所有得獎家庭合共贏得總值$8,000嘅商場食肆現金券，比完賽就可以去填飽個肚啦！同場黛安仲見到歌手糖妹，佢即場設計理想空姐制服，仲同觀眾大玩遊戲，現場氣氛真係非常熱鬧呀！