【聲明】港生活網站並無進行電話推廣活動

小朋友扮機師 完成親子任務贏$8000

發佈時間: 2017/07/10

小朋友都鍾意「扮鬼扮馬」,嚟緊喺長實地產旗下嘅商場,就會以「夢想職業大聯萌」做主題,設立「夢想職業」場景,畀小朋友一嘗做機師同教授嘅滋味!

噚日長實就率先喺宇晴滙舉行咗「至萌機師大作戰」。今次一共有20個家庭組隊參賽,一班小朋友以型爆機師造型現身,聯同家長挑戰連串任務!其中戴祺軒小朋友就同家長合作無間,定力、眼力同算術等嘅考驗統統都難佢唔到,最後仲贏得冠軍成為「至萌小機師」𠻹!所有得獎家庭合共贏得總值$8,000嘅商場食肆現金券,比完賽就可以去填飽個肚啦!同場黛安仲見到歌手糖妹,佢即場設計理想空姐制服,仲同觀眾大玩遊戲,現場氣氛真係非常熱鬧呀!

撰文: 黛安 消息特靈八卦公關
欄名: 八卦名利場