黛安
黛安

理大生設計 屈臣氏換新制服

發佈時間: 2017/07/11

理大生設計 屈臣氏換新制服

唔知大家最近行屈臣氏,有無發現佢哋職員換咗新制服呢?原來呢套制服係來自本地創意,由理大服裝及紡織學系學生設計、喺眾多作品之中脫穎而出嘅得獎作品!設計嘅同學仔楊婉湘話,佢設計嘅時候非常着重細節,新制服除咗方便工作外,仲加入咗時尚元素,例如經理制服獨特嘅領口設計,令整體更有時尚感,修身剪裁就令員工更年輕同自信。

屈臣氏最近落力推動全新品牌形象,打頭炮就同理大合辦咗制服設計比賽,為前綫員工設計一系列時尚年輕嘅制服。屈臣氏喺亞洲同東歐有成12個營運市場,所以同學仔設計嘅作品唔止喺香港見到,仲成功衝出國際!

撰文: 黛安 消息特靈八卦公關
欄名: 八卦名利場