欣宜自學Ukulele滿足感大

鄭欣宜與C AllStar昨日出席港台《太陽計劃放榜打氣大會》活動，欣宜表示會跟應屆DSE學生分享克服困難的經歷，她透露最近在網上自學彈Ukulele（夏威夷小結他），雖然彈到手指頭很痛，但仍一直堅持，終於到現在成功彈出幾首歌，令她有好大滿足感。

欣宜認識不少音樂人，何不直接向他們請教？欣宜坦言︰「唔得！如果朋友教，教教下我哋就會走咗去食飯，我寧願喺出面搵老師，起碼唔會分心。」問到讀書年代可有要克服的事？她說︰「之前同舊同學食飯，大家講番一個好好嘅英文老師。我一向成績唔算叻，以前學校好多都係精英學生，個個考A、A+，我只係考B，已經係籮底橙。有次我參加一個課程，好用心去寫一篇英文文章，老師畀咗96分，係我寫文章以嚟最高分嘅一次，證明只要肯用心，就會有成果。」

攝影︰林良明