【聲明】港生活網站並無進行電話推廣活動

將軍澳一田後日試業 熊本熊來港慶開幕

發佈時間: 2017/07/12

各位將軍澳人有福了,唔少姊妹最愛行嘅一田超市,將軍澳分店終於喺今個星期五(14/7)開始試業啦!新開業期間唔止會有熊本直送美食名物,仲會有熊本熊Kumamon部長同大家一齊喺東港城嘅「真夏の花火大会」玩𠻹!

黛安覺得一田超市將軍澳店將會係最有日本風味嘅一間,除咗有全新概念嘅3大話題bar(清酒、油醋及輕食沙律bar),仲有5大人氣甜食專櫃,包括白之戀人雪糕版Cremia及福岡馳名Uncle Tetsu芝士蛋糕,以後唔使飛日本,喺一田都食得到!新張期間仲有熊本蜜瓜、西瓜、部長造型蛋糕、壽司等,全部都係獨家限量㗎!

東港城建7米高熊本城

熊本熊部長唔止會喺開幕禮訪港見fans,由今個月17號至8月底,東港城仲會搭建近7米高嘅熊本城,配花火燈光背景做布置,場內有唔少特色場景同遊戲攤位,並會發售一田獨家設計嘅精品,fans點可以錯過?

撰文: 黛安 消息特靈八卦公關
欄名: 八卦名利場