滙豐捐$1100萬獎學金 220位同學受惠

依家嘅學生讀書辛苦，好需要社會支持，滙豐一直都有多項獎學金計劃幫助學生，噚日黛安出席咗「滙豐智庫日2017」，滙豐香港區一姐施穎茵仲宣布，銀行會捐出超過$1,100萬，用作2016至17學年嘅多項獎學金，220名唔同學科嘅同學仔都受惠，佢哋仲獲得「滙豐學人」（HSBC Scholar）名譽！

科大嘅同學星泰宏（Singh Taranvir）今年獲得$30萬滙豐海外獎學金，會去英國倫敦政治經濟學院深造一年，佢話赴笈英國一直係佢嘅夢想，終夢想成真，令佢畢生難忘。黛安聽講，滙豐2017至18學年嘅獎學金會喺下學期啟動，有興趣申請嘅同學仔，就要去就讀嘅院校學生事務處查詢詳情喇！