【聲明】港生活網站並無進行電話推廣活動

《13點》與《老夫子》 機場驚喜亮相

發佈時間: 2017/07/13

文化藝術無分界限,香港國際機場即日起舉行為期4個月嘅「藝術、文化與音樂巡禮在機場2017」。呢場跨界別展覽,雲集世界各地超過50個表演單位,包括為人熟悉嘅《老夫子》漫畫角色,仲會喺機場無人駕駛列車月台同地面運輸中心長廊展出,無論香港人或者旅客都可以一齊回味呢套經典作品!

展覽邀請咗唔同單位合作參與漫畫展、電影展、共80小時嘅音樂演奏等環節,全部都喺香港國際機場舉行,費用全免。黛安就特別想欣賞紅極一時嘅漫畫《13點》及《老夫子》,聽講《13點》曾經出現過1,728套時裝,套套都係長衫,復古得來,又可以體現到服裝都會隨着時代變遷而轉變,非常值得一看!

撰文: 黛安 消息特靈八卦公關
欄名: 八卦名利場