考試100分絕招？ 朱千雪難忘媽咪愛心麵

昨日是中學文憑試（DSE）放榜大日子，一班藝人包括朱千雪、龔嘉欣、羅力威及周志康前晚到屯門為考生打氣。高材生朱千雪最難忘是每次考試前，媽媽都會為她煮寓意100分的「愛心腸蛋麵」。

朱千雪現時攻讀法律博士學位，她表示讀書時期成績不算太標青，家人沒有給太大壓力，印象最深是每次考試前，媽咪一定為她準備腸蛋公仔麵，她笑謂︰「一條腸、兩隻蛋，即係話要攞100分，每科都食一次，所以讀中學時有啲肥。就算依家考試，媽咪都一樣會幫我煮麵。」

記者笑問當年參選港姐是否都有吃愛心餐？千雪謂再食唔停就一定無獎。不過她說媽咪的100分餐非常奏效，有幾科真的全取滿分，而三姊妹當中只得她有「愛心麵」吃，令她十分感動。

龔嘉欣做煮食KOL

龔嘉欣穿上白色厘士裝大騷玉背，透出白色Bra，十分性感。她卻扁扁嘴表示︰「之前出外景，膊頭、背脊曬到燶晒，下半身就無事，明天仲要拍餅店廣告，應該都要着背心，到時惟有勤力啲化粧遮下。」近日，嘉欣在無綫網上平台Big Big Channel直播教煮烏冬，獲得好反應。

同場的羅力威整晚表現興奮，跟兩位靚女拍檔一齊玩遊戲，不怕女友雨僑扭他耳仔嗎？羅力威得戚表示不會怕。他又自爆以前在新西蘭讀書時好hea，學生們最喜歡享受陽光、音樂及大自然，所以他很尊重在香港讀書叻的學生。

撰文︰Pauline

編輯︰陳禮恒

設計︰梁政敏