蕭正楠 曹永廉 互爆黑材料

昨日TVB舉行新劇《超時空男臣》宣傳活動，兩位「男臣」蕭正楠及曹永廉均以古裝造型亮相，穿越來港尋找太子妃王君馨（Grace）。阿廉見Grace一身新娘打扮，即搞笑問她何以前晚結完婚又穿嫁衣，在旁的何廣沛亦笑問︰「你改嫁呀？」惹來全場大笑。

曹永廉日前上載好兄弟阿蕭反串古裝女子的相片，令人忍竣不禁。昨日阿廉重提此事，笑說如果劇集成績好，會放更多「黑材料」。「阿蕭有更核突嘅相喺我手上，足以令佢演藝前途盡毀。」阿蕭則說︰「寧得罪君子，莫得罪小人，佢係正宗小人，不過我都有啲佢嘅黑材料喺手。」提到日前與女友黃翠如蜜遊日本，阿蕭笑言純屬「巧合」，原本他打算為女友炮製驚喜，但懷疑有人告密，結果身在日本的她竟到機場接機。

此外，二人在台上揚言收視可望超過20點，在場的田蕊妮立刻窒他們︰「《蘭花劫》都有20點啦。」事後問阿廉和阿蕭，他們都表示對收視有信心，阿廉更向老友大送高帽︰「今次係佢演藝高峰，佢喺劇中所做嘅，我呢十幾年無見過有演員做到，所以我睇好佢，雖然我睇好通常無一個得。」談到當中一幕要三位男臣輪流咀蝦頭，阿廉被問到可會向老婆備案？他表示無此需要，但覺得蝦頭的嘴唇幾軟，幸好無咀上癮。

君馨指老公有心無力

前晚在港補辦婚宴的王君馨，昨日就立即開工，她未及等記者問新婚感受，即笑老公Daniel「有心無力」︰「婚宴當晚去咗打邊爐，之後仲有一班朋友等我飲嘢，老公無去飲酒嗰場，到我返到屋企佢已經攰到瞓咗喺梳化。」她又說老公不習慣面對這麼多人，君馨苦笑謂︰「我都戥佢慘慘豬，我由選港姐到依家慣咗影相點笑嘛。」問她可驚訝伍允龍到場，與舊愛鍾嘉欣同場會引起尷尬？君馨稱兩人都是自己的好友，相信他們同場不會尷尬，畢竟大家都相識多年。

採訪︰Pauline

攝影︰林良明

編輯︰林梓添

設計︰梁政敏