PlayStation招募小朋友做KOL

唔知大家平時有無留意開邊啲KOL（Key Opinion Leader）呢？有無諗過小朋友都可以做個有影響力嘅KOL？黛安噚日喺Sony活動上聽到一個好趣有嘅調查，調查訪問咗逾300名6至12歲嘅小朋友，發現有近4成人都想成為KOL！人仔細細，因乜解究會想做KOL呢？近6成小朋友就話，原因係想更多人識自己，更有40％想成為有影響力嘅人，想在人前展現才華都有34％，仲有16％小朋友想直播自己打機𠻹！

3分鐘短片自我介紹

為咗幫呢班小朋友圓夢，Sony決定舉辦一個「我的志願KOL」招募活動。年滿6至12歲小朋友，即日到下個月2號可以拍一段3分鐘影片，介紹自已之餘，順便分享下點解想成為KOL或網絡紅人、最鍾意邊個KOL及表演項目，之後電郵畀大會就得啦！另外亦可選擇喺今個月29至30號，去到動漫節嘅攤位即場面試。

活動會招募20個小朋友參加訓練營，到時打機紅人達哥、小學生偶像「笑波子」同前新聞主播方健儀仲會成為「星級導師團」，分享直播心得。

喺活動中奪得冠軍嘅小朋友，仲可以拎到價值$3萬嘅旅遊禮券及名古屋LEGOLAND入場券，最重要係可以成為「PlayStation遊樂園Live」嘅嘉賓主持𠻹！唔好錯過呢個機會啦！