陳禮恒
陳禮恒

《蜘蛛俠》出外靠朋友

發佈時間: 2017/07/14

蜘蛛俠又再重新boot機,戲外「劇本」一樣精采,皆因蜘蛛仔已進化至近年第三代,走出自己圈子,名正言順重投Marvel大家庭的懷抱。隨着蜘蛛俠上次在《美國隊長3︰英雄內戰》驚鴻一瞥,新作《蜘蛛俠︰強勢回歸》為他揭開新一章。最巴閉是鐵甲奇俠和美國隊長雙雙助陣,今集回歸校園時,沒有甚麽驚天大陰謀,亦沒有甚麽深奧理論,只有正義小伙子的「飛人」生活,蜘蛛仔從未如此咁過癮。

上位男星湯姆賀倫演出經驗豐富,他拍過災難片《海嘯奇蹟》,亦有演出舞台劇版《跳出我天地》,舞功高強,原來他本身彈跳力驚人,經常紮紮跳,由他扮演蜘蛛俠最適合不過。

今集另一賣點是「父子情」,你叫一個玩世不恭的鐵甲奇俠,忽然變成苦口婆心的監護人,差點被蜘蛛仔激死,那種不經意的自嘲式笑位,非常到肉。而且片尾有兩段彩蛋,估你唔到,貫徹全片抵死過癮好玩氣氛,好戲在後頭。

回想起來,如果求學時期遇到一個城中富豪對自己咁好,你都咪話唔驚。

撰文: 陳禮恒 在戲院選擇沉默,然後用文字發聲。
欄名: 晴感戲