王晶：和秋生向來唔係好友

王晶昨日出席監製的劇集《賭城群英會》宣傳活動，謝賢（四哥）、陳百祥、馬國明及麥明詩等均現身造勢。談到最近與黃秋生隔空開火，王晶即時收起笑容︰「唔講呢啲無謂人。（這個人最近經常出現喎？）佢得閒有咩辦法，我好忙。（有無嬲？）一啲都無。（有無人做和事老？）唔需要。（同秋生唔係好朋友？）向來都唔係好朋友啦，反而同杜汶澤有一段時間係好朋友，你睇我仲有無講過杜汶澤唔好？」