50名人合著 出書講人生瘀事

大家知唔知，原來立法會前主席曾鈺成試過選舉慘敗到想退出政壇；神奇小子曹星如曾經辛苦訓練到想放棄打拳？喺我哋大呻失落嘅同時，原來唔少大人物都有過低潮，但最後都成就非凡。

最近資深傳媒人曾智華號召49位城中名人，一齊出咗本書《原來天使在身邊》，鼓勵全港讀者跨越困境。噚晚黛安就去咗呢個新書分享會，鼎盛嘅陣容真係唔講得笑！

活動有多位重量級嘉賓出席，曾鈺成話收到邀請寫書，知道要寫瘀嘢嘅時候覺得易如反掌，話自己啲瘀嘢多到數唔晒！另外，房委會資助房屋小組主席黃遠輝就大爆，原來佢都住過籠屋、徙置區，仲話貧窮係幸福嘅，令佢識得珍惜擁有嘅嘢咁話喎。曾智華話，今次新書嘅收益扣除成本後會全數捐畀陳葒校長嘅「陳校長免費補習天地」。買書嘅同時又可以做善事，一舉兩得！