鍾采羲 王子涵 何浩文 電視圈突圍

發佈時間: 2017/08/01

鍾采羲 王子涵 何浩文 電視圈突圍

何浩文、鍾采羲和王子涵三位電視圈新人,因拍攝劇集《賭城群英會》而結緣,他們同是電影演員踩入電視界,都大讚拍劇「好玩」。對於未來,三人不約而同希望透過拍劇令自己形象「入屋」,帶來更多工作機會。

三人拍慣電影,都認為拍劇時間較長,需要體力較多,何浩文指電影和電視觀眾的要求不同,自己的演技亦要作出改變,「觀眾畀錢睇戲,就會坐定定睇,但睇電視劇時,他們常會行開飲杯水、或者攞包薯片食,易忽略好多視覺上的東西,反而用耳仔代替雙眼,所以我哋要改變心態去演繹套劇。」

王子涵是王晶女兒,她認為拍廠景或外景也會影響到心態,「廠景是包實晒,你睇唔到外面,會覺得與世隔絕;可是出外拍實景,成班人組埋一齊好玩,又可以見到陽光、見到車行緊,心情都好啲。」

恨做全面藝人

雖然初入視壇,但三人目標十分明確,何浩文說︰「我會專注拍劇、拍戲,甚至想演舞台劇,我覺得做舞台劇對演電視劇都會有幫助。音樂方面,我唔會放棄,只是放少了時間。音樂好難搵到食,而我都鍾意演戲,又搵到食,咁梗係專注演戲先啦。」

旁邊的王子涵接着說︰「點樣都係演戲先行,我的目標係好似范冰冰、舒淇,佢哋拍劇、拍電影都好叻。現在這個目標係遠咗少少,但卻是我嚮往的。」采羲則會朝着演戲方向發展,效法周秀娜和Angelababy,由模特兒轉型多方位藝人。

形象入屋工作增

除了歌影視三棲的目標外,三人亦希望「洗底」,透過拍劇令形象更「入屋」,曾參演三級片《鴨王2》的采羲直指︰「拍電視劇都係想多啲人認識。」在《鴨王》系列擔演男主角的浩文則說︰「作為藝人,邊個唔想形象入屋,入屋後可以多啲工作機會,有更多機會嘗試和摸索新方向,或者新的演繹方式,我覺得,若想做一個好藝人,係唔可以一成不變。」

撰文︰陳麗娜

攝影︰林良明

編輯︰黃寶恩

設計︰梁政敏

欄名: 人物專題