【聲明】港生活網站並無進行電話推廣活動

大昌食品親子烹飪賽 贏走逾萬元獎品

發佈時間: 2017/08/02

唔知大家平時有無煮開兩味呢?如果自問廚藝了得,黛安有個好提議,因為大昌食品將會喺今個月27號舉辦「大昌食品─親子烹飪比賽」,等一家大細親子合作,發揮創意煮出色香美俱全嘅菜式,有機會贏走總值$11,000嘅獎品㗎!

有興趣嘅家長同8至14歲嘅小朋友,今個星期六(5/8)之前,去大昌買指定嘅雞中翼、豬扒、三文魚或虎蝦,連同食譜、製成品相片、購物食材嘅單據提交參加表格,大昌就會喺下星期五(11/8)選出10隊進入總決賽。總決賽當日,會由大昌食品總經理劉碧鳳(Margaret)同營養師等人做評審,根據食物嘅味道、烹飪技巧、衞生、賣相等評分,選出冠、亞、季軍同7名優異獎得主,贏走大昌購物禮券、獎座等。獎品咁豐富又咁有意義,仲唔快啲報名參加?

撰文: 黛安 消息特靈八卦公關
欄名: 八卦名利場