黛安
黛安

追求創新活力 工銀贊助電競節

發佈時間: 2017/08/03

追求創新活力 工銀贊助電競節

放假、打機,放工、打機,打機咁好玩,邊有年輕人唔啱?電競近年都成為新興產業,連政府都力谷今個星期五起一連三日舉行嘅「香港電競音樂節」。黛安之前就同贊助電競節嘅工銀亞洲公關傾咗兩句,原來「打機精神」同銀行服務都有唔少共通點㗎,一樣咁追求創新同卓越,仲時刻都要咁有活力𠻹。工銀都好照顧後生仔,好似之前推出本地電商平台「惠生活」,一早已規劃寵物、旅行、明星呢啲至潮元素;銀行仲會畀大專生開戶優惠同豁免月費𠻹。

另外工銀亦有贊助「香港fun享夏日禮」,同旅發局合力推介香港最正蒲點畀市民同遊客,活動貫穿7至8月。思維keep住咁young嘅工銀,都逐步喺分行加番啲互動數碼設施方便客人,顧客自然幾時都咁有新鮮感啦!

工銀亞洲指電競節講求創新活力,同工銀嘅經營理念一致,所以今次都緊貼年輕人脈搏,贊助活動。

撰文: 黛安 消息特靈八卦公關
欄名: 八卦名利場