【聲明】港生活網站並無進行電話推廣活動

全港最大水墨畫展 會展免費睇

發佈時間: 2017/08/04

黛安平時都鍾意同朋友去畫廊睇下畫展,近年文藝風興起,喺香港一年都會有幾次大型畫展,不過大型嘅水墨畫展大家又有無去過呢?黛安噚日就出席咗藝育菁英基金會籌辦嘅「全球水墨畫大展」開幕禮,呢個水墨畫展集合全球500位水墨畫精英嘅佳作,係本港有史以來規模最大!

集合500展品 設多媒體區

原來主辦單位由舊年底開始,已經喺全球徵集水墨作品,嚴選來自5大洲嘅佳作,以人物、花鳥、動物、現代同山水共5大主題展出。展覽期間仲會有免費特備文化節目同藝術活動,包括有水墨大師即席揮毫示範!策展人郭浩滿噚日話,呢500幅作品足以反映出當代水墨畫藝術嘅各類風格、題材、技法和水平,規模同水準可以話係歷來之最,國學大師饒宗頤仲為大展題字𠻹。

年輕嘅朋友唔好以為個展覽會好悶!喺展覽嘅多媒體區,可以睇到公開大學創意藝術科嘅師生合作,利用動畫技術,將王無邪、石晶等5位大師嘅作品重新演繹,畀大家用不同方式去欣賞水墨畫千變萬化嘅魅力。

展覽今日就開始喇,仲係免費入場𠻹,大會話已經收到過萬人網上登記參觀,快啲搵埋朋友一齊去啦!

撰文: 黛安 消息特靈八卦公關
欄名: 八卦名利場