黛安
黛安

兔唇跑手奪三項鐵人冠軍 下月跑入迪士尼

發佈時間: 2017/08/04

兔唇跑手奪三項鐵人冠軍 下月跑入迪士尼

下個月就係迪士尼樂園嘅主題跑活動Marvel 10k Weekend,呢個活動嘅部分收益會捐畀香港兔唇裂顎協會,咁有意義嘅活動大家報咗名未呢?黛安就認識一位患兔唇嘅朋友,憑住努力成為多年香港三項鐵人總會全年分齡組別總成績冠軍。佢都報咗名參加呢個活動,希望話畀大家知兔唇只係外貌上嘅缺陷,只要搵到興趣,一樣可活出有意義嘅人生。

正職係救生員嘅曾進傑,天生兔唇裂顎,細細個已不停進出手術室,但最慘都係畀唔了解呢個病嘅人笑佢。直到佢搵到跑步呢個興趣,依家佢已經係5年嘅三項鐵人冠軍,屋企有成500幾個獎牌!佢多謝運動救咗佢:「如果無佢,我嘅人生唔知會係點」。咁又係喎,因為佢同老婆都係練跑山嗰時識㗎,sweet到爆!

撰文: 黛安 消息特靈八卦公關
欄名: 八卦名利場